·
好多時，講笑講嗰句，先係真心話。
如果我有個朋友突然問我，「人生最後悔嘅事係咩？」。我會好驚，究竟係佢有絕症定我有絕症。
我個人比較鳩，最頂唔順就係一班人正襟危坐，圍個圈喺度傾人生、講道理。諗起都打冷震，對唔住，臣妾真係做唔到。
所謂Deep talk，唔係指傾嘅話題deep，而係你願意攤個心出嚟，畀人入到幾deep。人越大，就越難講得出心入面嗰句。就算要講真心話，都好似強迫症咁，包一層玩笑、加兩重鳩up、添三分戲謔，先講到出口。
整1024出嚟，係希望佢能夠成為一個出口，令更多嘅想法同故事，能夠喺遊戲同笑聲中被聆聽。識咗十幾年嘅老友，玩完一鋪1024，先發覺佢同心目中諗嘅完全唔同。喺AI時代，所有嘢都仿佛變得廉價。唯有人與人之間嘅理解同溝通，越發珍貴。
